၂၃ ကြိမ်မြောက် ဂျပန်ဘာသာစကားပြောပြိုင်ပွဲကို ၂၀၂၂ ခုနှစ် နိုဝင်ဘာလ (၁၂) ရက်တွင် ပြုလုပ်ကျင်းပ သွားမည်ဖြစ်ပါသည်။ စိတ်ပါဝင်စားသူများ အောက်ပါအချက်အလက်များကို ဖတ်ရှု၍ ပါဝင်ယှဉ်ပြိုင် နိုင်ပါသည်။

၁။ ကျင်းပမည့် နေ့ရက်

ပြိုင်ပွဲကျင်းပမည့်နေ့။ ။၂၀၂၂ ခုနှစ် နိုဝင်ဘာလ (၁၂) ရက် (စနေနေ့)

(※ပဏာမအဆင့်ကိုအောင်ခဲ့သူများသာ)

၂။ လျှောက်လွှာလျှောက်ထားနိုင်သူ

(၁) အသက် ၁၆ နှစ် မှ ၃၀ နှစ် အတွင်း ဖြစ်ပြီး၊ မြန်မာနိုင်ငံအတွင်း နေထိုင်သည့် မြန်မာနိုင်ငံသား ဖြစ်ရမည်။

(၂) ဂျပန်ဘာသာသင်ကြားနေသော ဆရာ၊ ဆရာမ မဖြစ်ရ။ (အချိန်ပိုင်းနှင့် လုပ်အားပေးသူများ မပါပါ)

(၃) ယခင်ကျင်းပခဲ့ဖူးသော ဂျပန်ဘာသာစကားပြောပြိုင်ပွဲတွင် ဆုရရှိဖူးထားသူမဖြစ်ရ။

၃။ လျှောက်လွှာလက်ခံခြင်း

လျှောက်လွှာများကို အောက်ဖော်ပြပါ Google Form Link တွင် ဖြည့်စွက်ပြီး ပေးပို့လျှောက်ထားနိုင်ပါသည်။

လျှောက်လွှာလက်ခံမည့်ကာလ ။ ။ ၂၀၂၂ ခုနှစ် အောက်တိုဘာလ (၃) ရက် (တနင်္လာနေ့) မနက် ၉ နာရီ မှ အောက်တိုဘာလ (၁၁) ရက် (အင်္ဂါနေ့) ညနေ ၄ နာရီအထိ ပေးပို့လျှောက်ထားနိုင်ပါသည်။

(※အောက်တိုဘာလ (၃) ရက်မှသာ အောက်ဖော်ပြပါ link ကိုအသုံးပြုနိုင်မည် ဖြစ်သည်။

https://docs.google.com/.../1FAIpQLSfgrdgbivb0.../closedform

Application ဖောင်ဖြည့်ရန်အတွက် အောက်ပါတို့ကို ပြင်ဆင်ထားရန်လိုအပ်ပါသည်။

(၁) G-mail account ဖြင့် ဖောင်ဖြည့်ရမည်ဖြစ်သောကြောင့် ကိုယ်ပိုင် G-mail အကောင့်ဖွင့်ထားရမည်။

(၂) ဓာတ်ပုံ (3x4 cm) (File name: မိမိအမည်-1) နှင့် မှတ်ပုံတင်အရှေ့အနောက်ပုံ (File name: မိမိအမည်-2) တို့ကို JPG file ဖြင့် ဖြစ်အောင်ကြိုပြင်ထားရမည်။ ဖိုင်တစ်ခုလျှင် Size 3MB အောက် ဖြင့် ပြင်ဆင်ပေးပါ။

(၃) Speech ၏ အကြောင်းအရာ ကို ဂျပန်ဘာသာ စာလုံးရေ ၁၀၀၀ ခန့် ဖြင့် (Word File) ပြင်ထားရမည်။

(File name: မိမိအမည်-3)

(၄) မိမိယှဥ်ပြိုင်မည့် Speech သည် (3) မိနစ်ထက်မနည်း (4) မိနစ်ထက်မပိုသော အသံဖိုင် (File name: မိမိအမည်-4) ကို (Mp3) ဖြင့် သွင်းထားရမည်။ File size 10MB ဝန်းကျင်ခန့် ပြင်ဆင်ပေးပါ။

၄။ ပဏာမရွေးချယ်ခြင်း

ပဏာမရွေးချယ်မှုတွင် ပြိုင်ပွဲဝင်ပြောကြားမည့် အကြောင်းအရာကို ပြိုင်ပွဲအတိုင်းပြောကြားရမည်ဖြစ်ပြီး၊ ဂျပန်ဘာသာဖြင့် အမေးအဖြေများ ပြုလုပ်၍ အကဲဖြတ်ရွေးချယ်သွားမည် ဖြစ်ပါသည်။

(※လျှောက်ထားသူများ၏ လျှောက်လွှာ၊ Speech (Word file နှင့် အသံဖိုင်) ကို စီစစ်ပြီး၊ သတ်မှတ်ချက်နှင့် ကိုက်ညီသော လျှောက်ထားသူများသည် ပဏာမရွေးချယ်မှုတွင် ယှဉ်ပြိုင်ခွင့်ရရှိပါမည်။)

ပဏာမရွေးချယ်မည့်နေ့။ ။၂၀၂၂ ခုနှစ် အောက်တိုဘာလ (၂၂) ရက် (စနေနေ့) နှင့် အောက်တိုဘာလ (၂၃) ရက် (တနင်္ဂနွေနေ့)

※ ပဏာမရွေးချယ်ခြင်းကို အွန်လိုင်းဖြင့်သာ ကျင်းပပြုလုပ်သွားမည်ဖြစ်ပါသည်။

၅။ ဂျပန်ဘာသာစကားပြောပြိုင်ပွဲ

ပဏာမအဆင့်ရွေးချယ်မှုရလဒ်များကို ပြိုင်ပွဲဝင်များထံသို့ ဆက်သွယ်အကြောင်းကြားမည်ဖြစ်ပြီး သက်ဆိုင်ရာ ပွဲစီစဉ်ကျင်းပသည့်အဖွဲ့အစည်းများ၏ Facebook စာမျက်နှာတွင် ကြေညာသွားပါမည်။ ပဏာမအဆင့် အောင်မြင်သူများသည် ၂၀၂၂ ခုနှစ် နိုဝင်ဘာလ (၁၂) ရက်နေ့ ပါဝင်ယှဉ်ပြိုင်ကြရမည် ဖြစ်ပါသည်။

※ အသေးစိတ်ကို ပါဝင်ယှဉ်ပြိုင်ရမည့်သူများအား တိုက်ရိုက် ဆက်သွယ်အကြောင်းကြားပါမည်။

၆။ စုံစမ်းမေးမြန်းရန်

မြန်မာနိုင်ငံဂျပန်ပြန်ပညာသင်ဟောင်းအသင်း (MAJA)

ဖုန်း 09-428612151, 09-262602121

※လက်ရှိဖြစ်ပေါ်နေသောအခြေအနေအပေါ်မူတည်၍ ပွဲရက်ရွှေ့ဆိုင်းခြင်းစသည့် အစီအစဉ်ပြောင်းလဲခြင်းများ၊ ပွဲရပ်နားခြင်းများရှိနိုင်ပါသည်။