(၁) ငွေပေးချေမှုပြေစာတွင် ပါရှိသည့် ဘောက်ချာနံပါတ်နှင့် လျှို့ဝှက်နံပါတ် (Password) အား သေချာစွာ မှတ်သားသိမ်းဆည်းထားပါ။ Test Voucher ပြန်လည်ထုတ်ယူရာတွင် အသုံးပြုရမည် ဖြစ်သောကြောင့် မဖြစ်မနေ လိုအပ်မည်ဖြစ်ပါသည်။ မေ့ပျောက်ခဲ့သည်ရှိပါက ကာယကံရှင်၏ တာဝန်သာ ဖြစ်ပါသည်။

(၂) ငွေပေးချေမှုအဆင့်သို့ ရောက်ရှိလာသူသည် Booking Status ဖြစ်ပါသည်။ မှားယွင်းမှုမရှိပါက စာမေးပွဲဖြေဆိုခွင့် ရရှိမည် ဖြစ်ပါသည်။ အမှားအယွင်းမရှိစေရန် တဆင့်ခြင်း သေချာစွာ ပြုလုပ်ဆောင်ရွက်ပါ။

(၃) အခြားသူ၏ Bank / Pay Account ဖြင့်လည်း ငွေပေးချေမှု ပြုလုပ်နိုင်ပါသည်။

(၄) Online Application စနစ်တွင် ပေါ်လာသော QR Code (သို့မဟုတ်) Code Number ကို ဖတ်ယူပြီး၊ ငွေပေးချေမှုပြုလုပ်ပေးသူ၏ မိုဘိုင်းဖုန်း၊ ကွန်ပြူတာစသည်တို့မှ Digital Payment (Pay iBanking, etc.) ဖြင့် ငွေပေးချေမှုကို ပြုလုပ်ရမည် ဖြစ်ပါသည်။

(၅) မိမိပြုလုပ်မည့် ငွေပေးချေမည့်နည်းလမ်းအား သေချာစွာရွေးချယ်ပါ။ Payment တစ်မျိုးအားရွေးချယ်ပြီးသည့်နောက်၊ Back ပြန်သွားပြီး အခြားတစ်မျိုးအား ရွေးချယ်ပါက လျှောက်လွှာတင်မှု မအောင်မြင်ခြင်းများ ဖြစ်ပေါ်နိုင်ပါသည်။

(၆) QR Payment (KBZ Pay, CB Pay)

QR Code သည် ၁၅ မိနစ်ကြာလျှင် သက်တမ်းကုန်ဆုံးမည်ဖြစ်ပြီး အကြောင်းအမျိုးမျိုးကြောင့် ငွေပေးချေမှု မအောင်မြင်ခဲ့ပါက၊ ကြိုတင်မှာယူမှု(Booking Status)သည် အလိုအလျောက် ပယ်ဖျက်ခံရမည်ဖြစ်ပြီး၊ လျှောက်ထားသူသည် လျှောက်လွှာအသစ်အား အစမှ ပြန်တင်ရန် လိုအပ်ပါမည်။

(၇) Internet/ Mobile Banking

Quick Pay/Pay Bill/Bill Payment စသည်တို့ရှိ 123 Service မှ ပေးချေရမည် ဖြစ်ပါသည်။Payment Code သည် ၂ နာရီကြာလျှင် သက်တမ်းကုန်ဆုံးမည် ဖြစ်ပြီး အကြောင်းအမျိုးမျိုးကြောင့် ငွေပေးချေမှု မအောင်မြင်ခဲ့ပါက၊ ကြိုတင်မှာယူမှု (Booking Status)သည် အလိုအလျောက် ပယ်ဖျက်ခံရမည်ဖြစ်ပြီး၊ လျှောက်ထားသူသည် လျှောက်လွှာအသစ်အား အစမှ ပြန်တင်ရန် လိုအပ်ပါမည်။

Payment နှင့် ပတ်သက်၍ အသေးစိတ်ရှင်းလင်းချက်ကို အသုံးပြုသူလက်စွဲ (User Manual) တွင် ကြည့်ရှုပါ။

(၈) ငွေပေးချေမှုပြီးဆုံးပါက Online Application Browser ကို ပြန်လည်ကြည့်ရှုပြီး၊ Back to Merchant ကို နှိပ်ပါက ငွေပေးချေမှုပြေစာ စာမျက်နှာပေါ်လာပါမည်။ ငွေပေးချေမှုပြေစာ စာမျက်နှာအား သေချာစွာ သိမ်းဆည်းထားပေးပါ။ ငွေပေးချေမှုပြေစာ (Payment Receipt) တွင် "Payment Successful" ဟု မပေါ်ပါက MAJA သို့ ဆက်သွယ် အကြောင်းကြားစုံစမ်းပေးပါ။

(၉) ငွေပေးချေမှုများအတွက် နေ့စဉ် Payment System စာရင်းများဖြင့် ပြန်လည်စိစစ်ရန်လိုအပ်ပါသောကြောင့် Online လျှောက်လွှာလက်ခံခြင်းကို ညနေ ၃ နာရီ အချိန်အထိသာ ပြုလုပ်သွားမည် ဖြစ်ပါသည်။ အကယ်၍ လျှောက်လွှာများ ကျန်ရှိနေသေးပါက နောက်ရက်များတွင် နံနက် (၁၀) နာရီမှ ညနေ (၃) နာရီအတွင်း ဆက်လက်လက်ခံပေးသွားမည်ဖြစ်ပါသည်။

Online Application လျှောက်လွှာများစတင်လက်ခံမည့် အချိန်နှင့် အရေအတွက်များအား (၁၉.၈.၂၀၂၂) ကြေငြာချက်တွင် လေ့လာကြည့်ရှုနိုင်ပါသည်။

ယခု ကြေငြာချက်ပါ အကြောင်းအရာများသည် User Manual မှ သတိပြုစေလိုသည့် အချက်များနှင့် ဖြစ်ပေါ်လာနိုင်သော ပြဿနာများကို အသိပေးခြင်း ဖြစ်ပါသည်။ စာမေးပွဲလျှောက်လွှာများ အဆင်ပြေချောမွေ့စွာ လျှောက်တင်နိုင်ရေးအတွက် နားလည်မှုဖြင့် ပူးပေါင်းဆောင်ရွက်ပေးကြပါရန် မေတ္တာရပ်ခံအပ်ပါသည်။

JLPT စာမေးပွဲကျင်းပရေးကော်မတီ

မြန်မာနိုင်ငံဂျပန်ပြန်ပညာသင်ဟောင်းအသင်း (MAJA)