ယနေ့ ၂၂.၈.၂၀၂၂ (တနင်္ဂလာနေ့) နံနက် ၁၀ နာရီမှ လျှောက်လွှာများစတင်လက်ခံခဲ့ရာ ငွေပေးချေမှု စနစ်(Payment System) ရပ်တန့်သွားသည့် အချိန်တခု ဖြစ်ပေါ်ခဲ့ပါသည်။

(၁) ငွေပေးချေမှုပြေစာ (Payment Receipt) ရှိ ငွေပေးခြေမှုအခြေအနေ တွင် "PAYMENT_SUCCESSFUL" ဟု ပေါ်ပါက လျှောက်လွှာတင်ခွင့် ရရှိပြီးဖြစ်ပါသည်။

(၂) ငွေပေးခြေမှုအခြေအနေ တွင် "PAYMENT_SUCCESSFUL" မဟုတ်ပါက၊ အောက်ပါအတိုင်း စစ်ဆေးဆောင်ရွက်ပါ။

(၂-က) ငွေပေးချေသူထံမှ ငွေဖြတ်ထားခြင်းမရှိပါက နောက်တစ်ကြိမ် လျှောက်လွှာပြန်လည်တင်ရန် လိုအပ်ပါသည်။

(၃) ငွေပေးချေသူထံမှ ငွေဖြတ်သွားခြင်းခံရသော်လည်း "PAYMENT_SUCCESSFUL" မဖြစ်ခဲ့ပါက၊ အောက်ပါဖော်ပြပါ အတိုင်း စီစစ်ဆောင်ရွက်ပေးပါ။

(၃-က) 123 Service (iBanking / mBanking) နှင့် ပေးချေခဲ့ပြီး၊ Code နံပါတ် မှားယွင်းခဲ့ပါက (၁) နာရီအတွင်း ငွေပြန်လည် ဝင်ရောက်လာမည် ဖြစ်ပါသည်။ အကယ်၍ အချိန်မှီ ‌ငွေပြန်ဝင်ခြင်းမရှိပါက သက်ဆိုင်ရာဘဏ်သို့ ဆက်သွယ်စုံစမ်း မေးမြန်းနိုင်ပါသည်။

123 Service တွင် Code နံပါတ် မှန်ကန်ခဲ့သည် ရှိပါက MAJA မှ ညနေပိုင်းတွင် တရက်တာအတွက် ပြန်လည် စစ်ဆေးပြီး၊ နောက်တရက်တွင် လျှောက်လွှာလက်ခံပြီးမြောက်သည့် စာရင်းအား ကြေငြာပေးသွားမည် ဖြစ်ပါသည်။

(၃-ခ) QR Payment (KPay, CB Pay) နှင့် ပေးချေခဲ့ပြီး "PAYMENT_SUCCESSFUL" မဖြစ်ခဲ့ပါက (၁) ရက်အတွင်း ငွေပြန်လည် ပေးပို့ သွားမည် ဖြစ်ပါသည်။ အကယ်၍ အချိန်မှီ ‌ငွေပြန်ဝင်ခြင်းမရှိပါက 2C2P သို့ ဆက်သွယ်စုံစမ်း မေးမြန်းနိုင်ပါသည်။

ဆက်သွယ်ရန် (2C2P)

Phone: 09-7740 11123 (Hot Line)

Email: [email protected]

အခြားငွေပေးချေမှု (OK$, MPU Card) များအတွက်လည်း 2C2P သို့ ဆက်သွယ်စုံစမ်း မေးမြန်းနိုင်ပါသည်။

(၄) 2C2P Company မှ ငွေပေးခြေမှု အောင်မြင်ထားသည် (PAID Status) ဟု အကြာင်းပြန်ကြားပါက ပေးချေမှုပြေစာ (Payment Receipt) ဖြင့် MAJA သို့ အကြောင်းကြားစုံစမ်းပေးပါ။ MAJA မှ ညနေပိုင်းတွင် တရက်တာအတွက် ပြန်လည် စစ်ဆေးပြီး၊ နောက်တရက်တွင် လျှောက်လွှာလက်ခံပြီးမြောက်သည့် စာရင်းအား ကြေငြာပေးသွားမည် ဖြစ်ပါသည်။

MAJA မှ ကြေငြာသည့်စာရင်းတွင် မပါရှိသောသူများသည် စာမေးပွဲဖြေဆိုခွင့်ရရှိရန် နောက်တစ်ကြိမ် Online Application ပြန်လည်တင်ရန် လိုအပ်ပါသည်။

JLPT စာမေးပွဲကျင်းပရေးကော်မတီ

မြန်မာနိုင်ငံဂျပန်ပြန်ပညာသင်ဟောင်းအသင်း (MAJA)