၂၀၂၂ခုနှစ် ဒီဇင်ဘာလ JLPT စာမေးပွဲအတွက် Online မှ လျှောက်ထားရာတွင် Online ငွေပေးချေမှု စနစ် (Payment System) အားနည်းမှုကြောင့် တစ်ကြိမ်ထက်ပို၍ ငွေလွှဲသွင်းခဲ့သော ကျောင်းသား ကျောင်းသူ များအား အောက်ဖော်ပြပါအစီအစဉ် ပိုမိုပေးသွင်းငွေအား ပြန်လည်ပေးအပ်သွားမည် ဖြစ်ပါသည်။

(၂၂.၈.၂၀၂၂) ၏ ကြေညာချက်ပါ ငွေပေးချေမှုအခြေအနေတွင် "PAYMENT_SUCCESSFUL" မဟုတ်ခဲ့သောကြောင့် တစ်ကြိမ်ထက်ပိုမိုလွှဲသွင်းသူများကိုသာ မူအားဖြင့် ပြန်လည်ပေးအပ်ရန်ရှိသော်လည်း၊ ပထမဦးဆုံးအကြိမ် ငွေလက်ခံသည့် စနစ်ဖြစ်ခြင်းနှင့် ငွေပေးချေမှု စနစ်အားနည်းမှုကြောင့် လျှောက်ထား သူများ၏ စိုးရိမ်ပူပန်မှုကို ထည့်သွင်းစဉ်းစားပြီး "PAYMENT_SUCCESSFUL" ဖြင့် တစ်ကြိမ်ထက် ပိုမို လွှဲသွင်းသူများကိုလည်း ယခုအကြိမ်တွင် ပြန်လည်ပေးအပ်သွားမည် ဖြစ်ပါသည်။ သို့သော် နောက်အကြိမ် များတွင် "PAYMENT_SUCCESSFUL" ဖြစ်သော်လည်း မိမိသဘောဆန္ဒဖြင့် တစ်ကြိမ်ထက်ပိုမို လွှဲသွင်းသူများကို ပြန်လည်ပေးအပ်သွားမည် မဟုတ်ပါ။ တဖန်၊ နေရာနှင့် Level မှားယွင်း လျှောက်ထား သူများအား ယခုအကြိမ်တွင်လည်း ဆောင်ရွက်ပေးသွားမည် မဟုတ်ပါ။

တစ်ကြိမ်ထက်ပို၍ ငွေလွှဲသွင်းခဲ့သော စာမေးပွဲကြေး ပြန်လည်ထုတ်ယူခွင့် လျှောက်ထားသူများသည် အောက်ဖော်ပြပါစာရွက်စာတမ်းများကို (၂၈-၈-၂၀၂၂)ရက် တနင်္ဂနွေနေ့ မှ (၃၁-၈-၂၀၂၂)ရက် ဗုဒ္ဓဟူးနေ့ အတွင်း Viber (သို့) Email ဖြင့် ပေးပို့လျှောက်ထားနိုင်ပါသည်။

(၃၁-၈-၂၀၂၂)ရက်နေ့ ညနေ ၄ နာရီအထိ ပြန်အမ်းငွေလျှောက်ထားခြင်း မရှိသော လျှောက်လွှာများအား စာဖြေသူ ခုံနံပါတ်ထုတ်ဝေသည့် အထဲတွင် ထည့်သွင်းသွားမည် ဖြစ်ပါသည်။ ခုံနံပါတ်အစဥ်အား ပြန်လည်ပြင်ဆင်၍မရတော့ပါသောကြောင့် သတ်မှတ်ကာလအတွင်း ပြန်အမ်းငွေ လျှောက်ထားခြင်းမရှိသော လျှောက်ထားသူများအား ပြန်အမ်းငွေအား လုံးဝ ပြန်လည်ပေးအပ်သွားနိုင်မည် မဟုတ်ပါ။

စာမေးပွဲကြေး ပြန်လည်ထုတ်ယူခွင့် လျှောက်ထားရန်လိုအပ်သည်များ -

(၁) ငွေသွင်းပြေစာ (Payment Receipt)

(၂) လျှောက်ထားသူ၏ မှတ်ပုံတင်မိတ္တူ (၁) စောင်

(၃) စာမေးပွဲကြေးပြန်ထုတ်ခွင့်လျှောက်လွှာ (Printထုတ်၍လက်ရေးမူဖြင့်လည်းဖြည့်သွင်းနိုင်ပါသည်။)

https://drive.google.com/.../1cKE3i7ifAVCZG8Zw.../view...

စာမေးပွဲကြေးပြန်လည်ထုတ်ယူသည့် လျှောက်လွှာများအား Online Application System မှ အချက်အလက်များဖြင့် တိုက်ဆိုင်စစ်ဆေး၍ လိုအပ်ချက်များ၊ ကွဲလွဲချက်များရှိပါက ဆက်သွယ်မေးမြန်းပြီး မှန်ကန်ပါက စာမေးပွဲကြေးများ ပြန်လည်ထုတ်ပေးပါမည်။

ရန်ကုန်၊ စာဖြေဌာန

Email- [email protected]

(သို့မဟုတ်)

Viber - 09-428 756 746

မန္တလေး စာဖြေဌာန

Email - [email protected]

(သို့မဟုတ်)

Viber- 09-986 093 637

သတိ။ ။ အထက်ဖော်ပြပါ နံပါတ်များမှအပ အခြားသော MAJA ၏ Email, Viber နံပါတ်များသို့ ပေးပို့ပါက လက်ခံဆောင်ရွက်ပေးမည်မဟုတ်ပါ။

အထောက်အထားပြည့်စုံသည့်လျှောက်လွှာများအား (၁၉.၉.၂၀၂၂)ရက်နေ့ မှ (၃၀.၉.၂၀၂၂)ရက်နေ့ အတွင်း MAJA စာရင်းသို့ ဝင်ရောက်လာသော ငွေပမာဏ (ကျပ် ၃၈၀၀၀ / ၄၃၀၀၀) အတိုင်း ငွေလွှဲပေးပို့ပေးသွားမည် ဖြစ်ပါသည်။

JLPTစာမေးပွဲကျင်းပရေးကော်မတီ

မြန်မာနိုင်ငံဂျပန်ပြန်ပညာသင်ဟောင်းအသင်း(MAJA)