၂၀၂၃ ခုနှစ် ဂျပန်ဘာသာအရည်အချင်းစစ်စာမေးပွဲ (JLPT) အတွက် Online Application Form လျှောက်ထားသော စာဖြေသူများအနက်မှ “Request Special Testing Accommodation” နေရာ၌ ရွေးချယ်ထားသူများအနေဖြင့် ဆရာဝန်ထောက်ခံချက်စာရွက်၊ ဆေးမှတ်တမ်း၊ ဆေးစစ်ချက်စာရွက်စာတမ်းများနှင့်အတူ ၂၄.၃.၂၀၂၃ ရက်နေ့ ညနေ (၄)နာရီ နောက်ဆုံးထား၍ Viber ဖုန်းနံပါတ် 09-962 751 373 သို့ဆက်သွယ်ပေးပို့ရမည်ဖြစ်ပါသည်။

အချက်အလက်များအား စိစစ်၍ လိုအပ်သည်များအား ပြန်လည်ဆက်သွယ်ပေးသွားမည်ဖြစ်ပါသည်။

“Request Special Testing Accommodation” သည် ရုပ်ပိုင်းဆိုင်ရာ မသန်စွမ်းမှု၊ တခြားသော ချို့ယွင်းချက်ရှိပြီး အထူးကုသမှု ခံယူရန်လိုအပ်သူများအတွက်သာ (ဥပမာ-အမြင်/အကြားအာရုံချို့ယွင်းမှု၊ ကိုယ်လက်အင်္ဂါချို့ယွင်းမှု) ဖြစ်ပါသောကြောင့် အမှန်တကယ်တောင်းဆိုရန် လိုအပ်သူများသာ လျှောက်ထားရမည်ဖြစ်ပါသည်။ တောင်းဆိုလိုသူများ အနေဖြင့် အထက်ဖော်ပြပါ ရက်အတွင်းဆက်သွယ်ရန်လိုအပ်ပြီး သတ်မှတ်ရက် ကျော်လွန်ပါက “Request Special Testing Accommodation” အား ပြုလုပ်ဆောင်ရွက်ပေးနိုင်မည် မဟုတ်ကြောင်း အသိပေးအပ်ပါသည်။

JLPT စာမေးပွဲကျင်းပရေးကော်မတီ

မြန်မာနိုင်ငံဂျပန်ပြန်ပညာသင်ဟောင်းအသင်း (MAJA)