၂၀၂၂ ခုနှစ် ဒီဇင်ဘာလ (၄)ရက်နေ့ JLPT စာမေးပွဲ အောင်လက်မှတ်များတွင်အမည်စာလုံးပေါင်း၊ မွေးသက္ကရာဇ် စသည့်အချက်အလက်မှားယွင်းနေသည့် အောင်လက်မှတ်များအား အမှားပြင်ဆင်ပြီး ပြန်လည်ပေးပို့လာသည်ဖြစ်ပါသဖြင့်အောက်‌ဖော်ပြပါအတိုင်း ပြန်လည်ထုတ်ယူနိုင်မည် ဖြစ်ပါသည်။

ပြန်လည်ထုတ်ယူရာတွင် ယခင်‌ထုတ်ယူပြီးသော အောင်လက်မှတ် အဟောင်းအား ပြန်လည် ယူဆောင်လာရန် လိုအပ်ပါမည်။

ယခု‌အောင်လက်မှတ်များသည် ၂၀၂၂ ခုနှစ် ဒီဇင်ဘာလ (၄)ရက် စာမေးပွဲနေ့တွင် အမှားပြင်ဆင်ချက် တင်ထားသည့် စာဖြေသူများ၏ အောင်လက်မှတ်များသာ ဖြစ်ပါသည်။ စာမေးပွဲနေ့နောက်ပိုင်းတွင် အမှားပြင်ဆင်ထားသည့် စာဖြေသူများ၏ အောင်လက်မှတ်များအား ပြင်ဆင်ပြီးစီး၍ ပြန်လည်ပေးပို့ချိန် တွင် ထပ်မံအသိပေး အကြောင်းကြားသွားမည်ဖြစ်ပါသည်။

ရန်ကုန်စာဖြေဌာနများတွင်ပြင်ဆင်ခွင့်တင်ခဲ့သူများ

နေရာ။ ။ MAJA Education Centre

အမှတ်(၆၈၂/၆၈၃)၊ ဒုတိယထပ်၊ သစ္စာလမ်း၊(၆)ရပ်ကွက်၊ ပုဏ္ဏမီ မှတ်တိုင်၊ တောင်ဥက္ကလာပ မြို့နယ်၊ ရန်ကုန်မြို့။

နေ့ရက်။ ။ ၂.၅.၂၀၂၃ စတင်၍ ထုတ်ယူနိုင်ပါသည်။

အချိန် ။ ။ မနက် ၉း၃၀ မှ ညနေ ၄း၃၀ ထိ။

(ထမင်းစားချိန် ၁၂ နာရီ မှ ၁နာရီထိ) အစိုးရရုံးပိတ်ရက် နှင့် စနေ၊ တနင်္ဂနွေ ပိတ်ပါသည်။

မန္တလေးစာဖြေဌာနများတွင်ပြင်ဆင်ခွင့်တင်ခဲ့သူများ

နေရာ။ ။ MAJA Office (Mandalay Branch)

ပထမထပ်၊ တိုက် (၁)၊ အခန်း (၆)၊ ရေလမ်း၊ မင်္ဂလာမန္တလေး၊ ချမ်းမြသာစည်မြို့နယ်၊ မန္တလေး။

နေ့ရက်။ ။ ၄.၅.၂၀၂၃ စတင်၍ ထုတ်ယူနိုင်ပါသည်။

အချိန် ။ ။ မနက် ၉း၃၀ မှ ညနေ ၄း၃၀ ထိ။

(ထမင်းစားချိန် ၁၂ နာရီ မှ ၁နာရီထိ) အစိုးရရုံးပိတ်ရက် နှင့် စနေ၊ တနင်္ဂနွေ ပိတ်ပါသည်။

မှတ်ချက်။ ။အောင်လက်မှတ်များသည် စာမေးပွဲ ရလဒ်များ စတင်ထုတ်ယူနိုင်သည့် အချိန်မှ စတင်၍ (၂) နှစ်အတွင်း ထုတ်ယူနိုင်ပါသည်။

စာမေးပွဲကျင်းပရေးကော်မတီ

မြန်မာနိုင်ငံဂျပန်ပြန်ပညာသင်ဟောင်းအသင်း