မြန်မာနိုင်ငံ ဂျပန်ပြန်ကျောင်းသားဟောင်းများအသင်း (MAJA) ကို ၂၀၀၁ ခုနှစ် အမျိုးသားနေ့မှာ စတင်တည်ထောင်ခဲ့တာဖြစ်ပြီး လာမယ့် ၂၀၂၆ ခုနှစ်၊ ဒီဇင်ဘာလ (၄) ရက်နေ့မှာတော့ အသင်းကြီးရဲ့ (၂၅) နှစ်မြောက် ငွေရတု (Silver Jubilee) တိုင်ခဲ့ပြီ ဖြစ်ပါတယ်။

နှစ်ပေါင်း (၂၅) နှစ်တာ ကာလအတွင်း မြန်မာ-ဂျပန် နှစ်နိုင်ငံ ပညာရေး၊ ယဉ်ကျေးမှု ချစ်ကြည်ရေးတံတားကို ခိုင်မာစွာ တည်ဆောက်နိုင်ခဲ့သလို၊ မြန်မာလူငယ်ပေါင်း များစွာရဲ့ အနာဂတ်အိပ်မက်တွေကို အကောင်အထည်ဖော်ပေးနိုင်ခဲ့တာဟာ MAJA ရဲ့ ဂုဏ်ယူဖွယ်ရာ အဓိက မှတ်တိုင်တစ်ခုပဲ ဖြစ်ပါတယ်။

ဒီနေ့မှာတော့ MAJA ၏ ၂၅ နှစ်မြောက် ငွေရတုအထိမ်းအမှတ်အဖြစ် အသင်းကြီး၏ သမိုင်းဝင် အမှတ်တရများ၊ ဂျပန်ဘာသာစကားနှင့် ပညာရေးဆိုင်ရာ ကြိုးပမ်းမှုများ၊ ဒေသတွင်း ပူးပေါင်းဆောင်ရွက်မှုများနှင့် အနာဂတ် မျိုးဆက်သစ်များအတွက် လမ်းညွှန်ဩဝါဒစကားများကို နာယကကြီး ဦးမြင့်ဝေ၊ ဒေါ်စီစီရှိန် နှင့် ဦးမျိုးခင် တို့မှ သီးသန့် မေးမြန်းတင်ဆက်ထားသည့် အထူး Interview ဗီဒီယိုကို မျှဝေပေးလိုက်ပါတယ်။

📌 Video တွင် ပါဝင်သည့် နာယကကြီးများ၏ အထူးအင်တာဗျူး အစီအစဉ် -
🔹 ဦးမြင့်ဝေ (ဦးဆောင်နာယက) - MAJA စတင်တည်ထောင်ခဲ့စဉ်က သမိုင်းဝင် အမှတ်တရများနှင့် အနာဂတ်ခေါင်းဆောင်သစ်များအတွက် လမ်းညွှန်ဩဝါဒစကား
🔹 ဒေါ်စီစီရှိန် (နာယက) - MAJA Education Centre နှင့် ဂျပန်ဘာသာသင် ဆရာ/ဆရာမများ ပြုစုပျိုးထောင်ရေးနှင့် ဂျပန်ဘာသာပညာရေးအဆင့်အတန်း မြှင့်တင်ရေး ကြိုးပမ်းမှုများ
🔹 ဦးမျိုးခင် (နာယက) - အသင်း၏ အဓိက လှုပ်ရှားမှုများဖြစ်သည့် JLPT, MEXT, ASCOJA / ASJA International အပါအဝင် အာဆီယံနှင့် အပြည်ပြည်ဆိုင်ရာ ချိတ်ဆက်မှုများ

MAJA ၏ (၂၅) နှစ်မြောက် ငွေရတုအမှတ်တရမှသည် အနာဂတ် မျိုးဆက်သစ်များ၏ အလင်းရောင်အတွက် ဆက်လက်၍ လက်တွဲလျှောက်လှမ်းသွားပါမည်။ 🌸